Leo, Antonela i njihovi sinovi uče francuski jezik, što se u španskim medijima tumači samo na jedan način, da se spremaju za selidbu u Pariz.
Priču donosi “El Mundo Deportivo”, uticajni katalonski sportski list, koji prenosi da cijela porodica Messi pohađa privatni kurs francuskog jezika već više mjeseci.
“Vijest je iz pouzdanih izvora. Zašto bi Messi učio francuski ako ide u Manchester City, a zašto bi baš učio francuski ako ne planira da ide u PSG”, navodi list.
Messiju na kraju sezone ističe ugovor sa Barcelonom, a njegova želja da ode se javila prošlog ljeta.
Na kraju je odustao, ali još nije ni počeo priču o novom ugovoru sa Barsom.
Sa druge strane, PSG je od početka bio uključen u spekulacije oko Messijeve budućnosti, a sportski direktor Leonardo više puta, jednom i nedavno, pomenuo mogućnost da do senzacionalnog transfera dođe.